अनलाइन डबली
काठमाडौँ । नागरिकता प्रकरणमा पक्राउ परेका कान्तिपुर मिडिया ग्रुपका अध्यक्ष कैलाश सिरोहियालाई आज अदालतमा उपस्थिति गराउने तयारी प्रहरीले गरेको छ । पक्राउ गरेलगत्तै धनुषा लगिएका सिरोहियालाई बुधबार विहान प्रहरीले धनुषा पुर्याएको छ ।
जिल्ला प्रहरी कार्यालय ल्याएको धनुषाका प्रहरी प्रवक्ता डीएसपी रञ्जन अवालेका अनुसार धनुषा प्रहरीले आजै अदालतमा पेश गर्नेछ । प्रहरीले छानविनको लागि म्याद थपको लागि अदालतमा पेश गर्नेछ ।
काठमाडौंको थापाथलीस्थित कान्तिपुर मिडिया ग्रुपको कार्यालयबाटै अध्यक्ष सिरोहियालाई उपत्यका अपराध अनुसन्धान कार्यालयको टोलीले पक्राउ गरेको थियो ।
अध्यक्ष सिरोहियाले फरक फरक नागरिकता विवरण विभिन्न निकायमा पेश गरेको दावी गर्दै उनीमाथि छानविन गर्न जिल्ला प्रशासन कार्यालय धनुषामा उजुरी परेको थियो । धनुषा जिल्ला अदालतबाट पक्राउ पूर्जी जारी भएपछि उनलाई पक्राउ गरिएको हो ।
