काठमाडौं । नेपाली कांग्रेसले आफ्नो मागअनुसार सरकार गृहमन्त्री रवि लामिछानेमाथि छानविन समिति बनाउन तयार नभएको भन्दै प्रतिनिधिसभा बैठक पनि अवरोध गर्ने निर्णय गरेको छ ।

विहीबार विहानैबाट सत्तापक्ष दल र नेपाली काँग्रेससँग प्रधानमन्त्री प्रचण्डले संसदको अवरोध खुलाउन प्रयास गरेका थिए । सरकार समग्रमा सहकारीका समस्या समाधानको लागि छानविन बनाउन सहमत भएपनि काँग्रेसले रविमाथि नै समिति बनाउन माग गरेको छ ।

बिहीबार बसेको कांग्रेस शीर्ष नेताको बैठकपछि प्रवक्ता डा. प्रकाशशरण महतले सरकारले सहकारी ठगीको मूल समस्या छाडेर घटनालाई अन्यत्र मोड्ने हिसाबले मात्र समिति गठन गर्न खोजेको आरोप लगाए । गृहमन्त्रीमाथि छानविन गर्न तयार नभएसम्म आफूहरु पछि नहट्ने बताए ।

यसैबीच काँग्रेसले अवरोध जारी राख्ने निर्णय गरेपछि राष्ट्रियसभा बैठक स्थगित गरिएको छ ।