अनलाइन डबली
काठमाडौं । उपचुनावको मतगणना जारी रहेको छ । इलाममा नेकपा एमालेको अग्रता कायमै छ भने बझाङमा नेपाली काँग्रेसले एमालेलाई उछिनेको छ ।
बझाङमा २० हजार ३३ मत गन्दा पहिलो पटक कांग्रेसले अग्रता लिएको हो ।
काँग्रेस उम्मेदवार अभिषेक बहादुर सिंहले ७४९२ मतसहित अग्रता लिएका छन् । एमाले उम्मेदवार दमन बहादुर भण्डारी ७२२८ मतसहित पछ्याइरहेका छन् । उनी २६४ मतले पछि परेका छन् ।
तेस्रोमा झरेका नेकपा माओवादीका उम्मेदवार जनक बहादुर बुढाले २८९५ मत पाएका छन् । उनी ४५९७ मतले पछि परेका छन् ।
सुहाङले मतान्तर फराकिलो बनाउँदै लगेका छन् । सोमबार विहानसम्मको मत परिणामअनुसार सुहाङले ७६७७ मतसहित अग्रता कायमै राखेका छन् । नेपाली काँग्रेसका उम्मेदवार डम्बर बहादुर खड्का ५३९५ मतसहित पछ्यारहेका छन् ।
खड्का २२८२ मतले पछि परेका छन् ।
त्यसैगरी हर्क साम्पाङका उम्मेदवार डकेन्द्र सिंह लिम्बुले ४०५८ मत पाएका छन् ।
रविका अकबरे उम्मेदवार भन्दै चर्चामा रहेका मिलन लिम्बुले १ हजार मत कटाएका छन् ।
