अनलाइन डबली
काठमाडौ । बझाङ र इमालमा शान्तिपूर्णरुपमा मतदान सकिएको छ । विहान ७ बजेबाट सुरु भएको मतदान साँझ ५ बजेसम्म जारी रहेको थियो । इलाम–२ र बझाङ प्रदेशसभा (क) मा उपचुनाव भएको थियो ।
बझाङ र इमालमा कति मत खस्यो भन्ने निर्वाचन आयोगले औपचारिक रुपमा सार्वजनिक गरेको छैन । ४ बजेसम्म इलाममा ५५ प्रतिशत मत खसेको बताइएको थियो ।
यसैबीच इलाममा आजै मतगणनाको तयारी भइरहेको छ । मतदान सम्पन्न भएपश्चात मतगणनाका लागि मतगणनास्थल तयारी अवस्थामा राखिएको छ । इलाम ७ मा रहेको गौतमबुद्ध सम्मेलन केन्द्र (सिटी हल) मतगणनाका लागि तयारी अवस्थामा राखिएको हो ।
मतपेटिका संकलन भइसकेपछि सर्वदलीय सहमतिपछि मतगणना गरिने कार्यालयले जनाएको छ ।
उता बझाङमा भने भोलिमात्रै मतगणना सुरु हुने भएको छ । केही मतदानस्थल दुर्गम भएका कारण रातिसम्म मतपेटिका संकलन भइसक्ने र सर्वदलीय बैठक बसेर मतगणना गर्ने निर्वाचन कार्यालयले जनाएको छ ।
