अनलाइन डबली
काठमाडौँ । आज राष्ट्रियसभाको उपाध्यक्षको निर्वाचन हुँदै छ । नयाँ समिकरणको तर्फबाट नेकपा एमालेकी नेतृ विमला घिमिरे र प्रमुख प्रतिपक्ष नेपाली काँग्रेसबाट विष्णुदेवी पुडासैनीले उम्मेदवारी दर्ता गराएकी छन् ।
गठबन्धनकी उम्मेदवार घिमिरेको प्रस्तावकमा सांसद भगवती न्यौपाने र समर्थकमा सांसद गोपीबहादुर सार्की अछामी रहेका छन् ।
त्यसैगरी पुडासैनीको प्रस्तावकमा सांसद दुर्गा गुरुङ र समर्थकमा सांसद नारायणदत्त भट्ट रहेका छन् ।
राष्ट्रियसभा अध्यक्षमा माओवादी केन्द्रका नेता नारायण दाहाल निर्वाचित भएपछि तत्कालिन उपाध्यक्ष उर्मिला अर्यालले पदबाट राजीनामा दिएकी थिइन् ।
नयाँ गठबन्धनमा उपाध्यक्ष एमालेको भाग परेको थियो ।
संसदमा रहेको गणितअनुसार गठबन्धनकी उम्मेदवार विमला घिमिरेको जित निश्चित जस्तै रहेको छ ।
गठबन्धन दलहरुले आआफ्नो दलमा ह्वीप जारी गरेका छन् ।
