अनलाइन डबली
काठमाडौँ । गण्डकी प्रदेशको मुख्यमन्त्री पदमा दाबी पेस गर्न ७ दिनको समय दिइएको छ । प्रदेश प्रमुख डिल्लीराज भट्टले २७ चैतको दिउँसो ३ बजेभित्र नयाँ मुख्यमन्त्री पदमा दाबी पेस गर्न आह्वान गरेका हुन् ।
मुख्यमन्त्री सुरेन्द्रराज पाण्डेले राजीनामा दिएका थिए । त्यसपछि प्रदेश प्रमुख भट्टले संविधानको धारा १६८ उपधारा (२) अनुसार नै बहुमतको सरकार गठनको लागि दलहरूलाई मौका दिएका हुन् ।
यो समयभित्र कुनैपनि दलले बहुमत पेस गर्न नसके उपधारा (३) अनुसार ठुलो दलको नेताको हैसियतमा पाण्डे नै मुख्यमन्त्रीमा नियुक्त हुनेछन् ।
प्रदेशसभाको अंक गणितलाई हेर्दा सजिलै बहुमत जुटाउन सक्ने अवस्था देखिदैन । त्यसैले ठूलो दलको हैसियतमा पाण्डे पुनः मुख्यमन्त्री नियुक्त हुने सम्भावना रहेको छ । उनले पनि ३० दिनभित्र विश्वासको मत लिनुपर्ने हुन्छ ।
