अनलाइन डबली
काठमाडौं । सुदूरपश्चिम प्रदेशका मुख्यमन्त्रीलाई विश्वासको मत नदिन नागरिक उन्मुक्ति पार्टीले ह्वीप जारी गरेको छ ।
अध्यक्ष रञ्जिता श्रेष्ठले मंगलबार विश्वासको मत नदिन पार्टीबाट निर्वाचित सांसदहरुलाई निर्देशन दिएकी छन् ।
यससअघि पार्टीबाट सरकारमा सहभागी एक सांसदलाई कारवाहीको सिफारिस गरेकी थिइन् । ह्वीप नमान्ने सांसदलाई कारवाही गर्ने अध्यक्ष श्रेष्ठले चेतावनी समेत दिएकी छन् ।
सुदूरपश्चिमका मुख्यमन्त्री शाहले बुधबार नै विश्वासको मत लिँदैछन् । हाल नागरिक उन्मुक्ति पार्टीका ५ जना सांसद शाह नेतृत्वको सरकारमा नै सामेल छन् ।
अध्यक्ष श्रेष्ठले पार्टी संसदीय दलको विधान नभएकाले पार्टीको महत्वपूर्ण निर्णयमा ह्वीप लगाउने अधिकार केन्द्रीय अध्यक्षलाई रहेको दाबी गरेकी छन् ।
