अनलाइन डबली
काठमाडौँ । गण्डकी प्रदेशका मुख्यमन्त्री सुरेन्द्रराज पाण्डेले पदबाट राजीनामा दिएका छन् । प्रदेश प्रमुख डिल्लीराज भट्टलाई भेटर मुख्यमन्त्री पाण्डेले राजीनामा पत्र बुझाएका थिए ।
नयाँ समिकरणसँगै नेकपा माओवादी केन्द्रले फागुन २३ गते समर्थन फिर्ता लिएसँगै पाण्डे नेतृत्वको सरकार अल्पमतमा परेको थियो ।
मुख्यमन्त्री पाण्डेले चैत्र २२ गतेभित्र विश्वासको मत लिनुपर्ने कानुनी बाध्यता थियो । तर, विश्वासको मत जुटाउन नसकेपछि मुख्यमन्त्री पाण्डेले आज राजिनामा दिएका हुन् । उनले संविधानको धारा १६९ को उपधारा १ बमोजिम मुख्यमन्त्रीले पदबाट राजीनामा दिएका हुन् ।
पाण्डेले राजिनामा दिएसँगै फेरि आफ्नै नेतृत्वमा सरकार गठबनको कसरतमा लागेका छन् । सजिलै बहुमत जुटाउन सक्ने अवस्था छैन । सके बहुमत जुटाउन नसकेपनि ठूलो दलको हैसियतमा फेरि आफ्नै नेतृत्वमा सरकार गठन गर्ने प्रयास जारी राखेका छन् ।
६० सदस्यीय प्रदेशमा सरकार गठनको लागि ३१ सांसदको समर्थन चाहिन्छ । कांग्रेसको २७ सिट छ भने नेकपा एमालेको २२ सिट छ । त्यस्तै, नेकपा माओवादी केन्द्रसँग ८ सिट छ । राप्रपाको दुई सिट रहेको छ भने स्वतन्त्र सांसदको पनि सहभागिता छ ।
स्वातन्त्र सांसद दिपक मनाङेलाई मन्त्रीको शपथ खुवाएका पाण्डेले माओवादीको चुनाव चिन्हबाट चुनावमा जितेका फणिन्द्र देवकोटाले समर्थन गर्ने विश्वास गरेका छन् ।
