अनलाइन डबली
काठमाडौँ । विवाद बढ्दै गएपछि नागरिक उन्मुक्ति पार्टी विभाजनको डिलमा पुगेको छ । सोमबार केन्द्रीय समिति बैठकमा कुटपिटमा उत्रिएका अध्यक्ष रञ्जिता श्रेष्ठले पार्टीबाट निस्कासित गरेकी छन् ।
अध्यक्ष श्रेष्ठले सोमबार साँझ नै बागमती प्रदेशका अध्यक्ष दीपबहादुर योन्जन तामाङ र गण्डकी प्रदेशका इन्चार्ज राजन गुरुङलाई पार्टीबाट निष्कासन गरेकी हुन् ।
तामाङ र गुरुङले बैठकमा पार्टीका केन्द्रीय सदस्यहरू रामलाल डगौरा र रमेश विश्वकर्मालाई कुटपिट गरेका थिए ।
अध्यक्ष श्रेष्ठले तामाङ र गुरुङलाई निष्कासन गरेको सबै पार्टीका सबै निकायमा पठाएकी छन् ।
त्यसैगरी अध्यक्ष श्रेष्ठले प्रदेशदेखि केन्द्रसम्म वर्तमान गठबन्धनमा पार्टी सहभागी हुने निर्णय गरिसकेको हुनाले त्यसलाई कार्यान्वयन गर्न पार्टी पङ्क्तिलाई निर्देशन समेत दिएकी छन् ।
