अनलाइन डबलीकाठमाडौँ । बागमती प्रदेशका मुख्यमन्त्री शालिकराम जम्कट्टेलले विश्वासको मत पाउने पक्का भएको छ । नेकपा एकीकृत समाजवादीले विश्वासको मत दिन तयार भएसँगै मुख्यमन्त्री जम्कट्टेलको पक्षमा बहुमत जुट्ने पक्का भएको हो ।
प्रधानमन्त्री निवास बालुवाटारमा सोमबार बसेको गठबन्धनको बैठकमा एकीकृत समाजवादी विश्वासको मत दिन सहमत भएको थियो ।
एकीकृत समाजवादी बागमती प्रदेशसभाका संसदीय दलका नेता कृष्णप्रसाद खनालका अनुसार मुख्यमन्त्रीलाई मत दिन केन्द्रले निर्देशन दिएको छ ।
सुदूरपश्चिममा नेतृत्व दिनेगरी बागमतीमा विश्वासको मत दिने आफूहरु तयार भएको एकीकृत समाजवादीका नेताहरुले बताएका छन् ।
