काठमाडौँ । सुदूरपश्चिम प्रदेस सरकार जोगाउने नेपाली काँग्रेसको प्रयास असफल भएको छ ।

सबै सांसदलाई मन्त्री बनाएर पनि सरकार जोगाउने कसरत जारी राखेका बेला मुख्यमन्त्री कमलबहादुर शाहलाई दिएको समर्थन फिर्ता लिने निर्णय गरेको छ । योसँगै मुख्यमन्त्री शाहलाई ठूलो झट्का लागेको छ ।

बुधबार पार्टी अध्यक्ष रञ्जिता श्रेष्ठको अध्यक्षमा टीकापुरमा बसेको संस्थापक केन्द्रीय सदस्य र सांसदहरुको बैठकले नयाँ नयाँ समिकरणलाई समर्थन गर्ने निर्णय गरेपछि मुख्यमन्त्री शाहको कसरतमा ब्रेक लागेको छ ।

बैठकमा सुदूरपश्चिमका ७ जना सांसदहरु मध्ये पूर्वराज्यमन्त्री कैलाशी चौधरी, विना विभागीय मन्त्री लक्ष्मणकिशोर चौधरीको मात्रै सहभागिता रहेको थियो ।

नाउपाका संस्थापक केन्द्रीय रामलाल डंगौराका अनुसार यो निर्णयसँगै नयाँ गठबन्धनसँग वार्ता गर्ने र सोही अनुसार सुदूरपश्चिम प्रदेश सरकारलाई दिएको समर्थन फिर्ता लिने निर्णय भएको छ ।