काठमाडौं । सत्तारुढ दल नेकपा (माओवादी केन्द्र) को पदाधिकारी बैठक बसिरहेको छ ।

बालुवाटारस्थित प्रधानमन्त्रीको सरकारी निवासमा जारी बैठकमा आज सार्वजनिक गर्न लागिएको सरकारको साझा न्यूनतम कार्यक्रम, समसामयिक राजनीतिक घटनाक्रम र नेताहरूको जिम्मेवारी सम्बन्धमा छलफल हुने नेताहरूले बताएका छन् ।

त्यसैगरी पार्टीका उपाध्यक्ष कृष्णबहादुर महराको पक्राउबारे पनि छलफल भइरहेको बताइएको छ ।

प्रधानमन्त्री प्रचण्ड आफैले सुन तस्करी सम्बन्धी जाँचबुझ आयोगको प्रतिवेदन कार्यान्वयन गर्न निर्देशन दिएका थिए ।