अनलाइन डबली
काठमाडौँ । सरकारको न्यूनतम साझा कार्यक्रम तयार पार्न गठित कार्यदलले शिर्ष नेताहरुलाई मस्यौदा बुझाएको छ । शनिबार विहान प्रधानमन्त्री निवास बालुवाटारमा कार्यदलले मस्यौदा बुझाएको हो ।
नयाँ समिकरणसँगै गठबन्धनको सरकारको न्यूनतम साझा कार्यक्रम तयार पार्न दश सदस्यीय कार्यदल गठन गरेको थियो ।
कार्यदलमा नेकपा एमालेबाट उपाध्यक्ष विष्णु पौडेल र उपमहासचिव विष्णु रिमाल, माओवादीबाट उपमहासचिवद्वय वर्षमान पुन र जनार्दन शर्मा, राष्ट्रिय स्वतन्त्र पार्टीबाट उपसभापति वाग्ले र महासचिव मुकुल ढकाल, जसपाबाट केन्द्रीय कार्यकारिणी सदस्यहरू मनिष सुमन र राजेन्द्र श्रेष्ठ एवं नेकपा (एकीकृत समाजवादी) बाट उपाध्यक्ष प्रमेश हमाल र महासचिव घनश्याम भुसाल सदस्य छन् ।
सरकारमा सहभागी पाँच राजनीतिक दलले बनाएको साझा कार्यक्रममा संविधानको रक्षा,आर्थिक विकास र समृद्धि,अर्थतन्त्रका चुनौती समाधान,आम जनताको निराशालाई चिरेर सरकारप्रति आशा र विश्वास जगाउने विषयलाई प्राथमिकता दिइएको बताइएको छ ।
कार्यदलको प्रतिवेदन प्रधानमन्त्री प्रचण्ड, नेकपा एमाले अध्यक्ष केपी ओली, नेकपा एकीकृत समाजवादीका अध्यक्ष माधव नेपालले बुझेका छन् ।
