अनलाइन डबली
काठमाडौं । नयाँ मन्त्रीहरुको आज पाँच बजे शपथ खाने भएका छन् । नयाँ समिकरणसँगै प्रधानमन्त्री प्रचण्डले मन्त्रिपरिषद् विस्तार गरेका छन् ।
माओवादीले अर्थ, परराष्ट्र, संचार, उर्जा र पर्यटन मन्त्रालय पाउने टुंगो लागेको छ । संचारमा पुनः रेखा शर्मा दोहोरिने भएकी छन् भने ऊर्जामा शक्तिबहादुर बस्नेतले निरन्तरता पाउने भएका छन् । यसअघि माओवादीकै भागमा रहेको पर्यटनमन्त्रीमा हितबहादुर तामाङले समाल्ने भएका छन् ।
त्यसैगरी अर्थको जिम्मेवारी वर्षमान पुनले समाल्ने भएका छन् भने हालका गृहमन्त्री नारायणकाजी श्रेष्ठले परराष्ट्र समाल्ने भएका छन् ।
त्यसैगरी एमालेबाट पार्टी सचिव समेत रहेका रघुवीर महासेठले सरकारको नेतृत्व गर्ने भएका छन् । उनले भौतिक पूर्वाधार तथा यातायात मन्त्रालयको जिम्मेवारी पाएका छन् ।
त्यसैगरी रबि लामिछाने गृह मन्त्रीको जिम्मेवारी पाउने भएका छन् । रास्वापाबाट शिक्षामन्त्रीमा सुमना श्रेष्ठ, विराजभक्त श्रेष्ठ युवा तथा खेलकुदमन्त्री र उपसभापति डीपी अर्याललाई श्रम मन्त्रीको जिम्मेवारी पाउने भएका छन् ।
एकीकृत समाजवादी र जनता समाजवादीले भने अझै मन्त्रालय र मन्त्रीको टुंगो लागेको छैन ।
