अनलाइन डबली
काठमाडौं । चार पार्टीबीच ८ बुँदे लिखित सहमति भएको छ । नयाँ गठबन्धनमा आबद्ध चार राजनीतिक पार्टीबीच सोमबार लिखित सहमति भएको छ ।
सहमतिमा राष्ट्रियसभा अध्यक्ष पदमा नेकपा माओवादी केन्द्र र उपाध्यक्षमा नेकपा एमालेका उम्मेदवारलाई समर्थन गर्ने सहमति भएको छ ।
एमाले नेताहरुलाई हवाला दिँदै केही संचारमाध्यमहरुले प्रधानमन्त्रीमा आलोपालो सहमति भएको समाचार सम्प्रेशण गरेका थिए । तर, त्यस्तो कुनै सहमति नभएको पुष्टि भएको छ ।
सहमतिको पहिलो बुँदामै सरकारको नेतृत्व प्रचण्डले गर्ने उल्लेख गरिएको छ ।
त्यसैगरी सङ्क्रमणकालीन न्यायसम्बन्धी विधेयक, शान्ति प्रक्रिया र देशमा स्थायी शान्ति कायम गर्नका लागि यससँग सम्बन्धित अध्ययन विषयहरूलाई सहमतिका आधारमा अविलम्ब टुंगो लगाउने उल्लेख छ ।
सरकारमा सहभागी भएका दलहरुकाबीचमा आपसी सहमतिमा मन्त्रालय बाँडफाँट गर्ने, र त्यसरी बाँडफाँट गर्दा मन्त्रालयको विशेषताका आधारमा वर्गीकरण गरी मिलाउने, नयाँ सरकार गठन प्रक्रियामा सकारात्मक भएका दलहरुसँग संवाद अघि बढाउने सहमति पनि दलहरुबीच भएको छ ।
सहमतिमा माओवादी केन्द्रका अध्यक्ष प्रचण्ड, नेकपा एमालेका अध्यक्ष केपी शर्मा ओली, जसपाका अध्यक्ष उपेन्द्र यादव र रबि लामिछानेले हस्ताक्षार गरेका छन् ।
यस्तो सहमतिः
