अनलाइन डबली
काठमाडौँ । सत्ता गठबन्धनको मुख्य घटक नेपाली काँग्रेसका कारण सरकार परिवर्तन हुने भएको छ ।
काँग्रेसले कोशी प्रदेशमा राष्ट्रियसभामा चुनावमा दिएको धोका, महासमिति बैठकका निर्णय र टीआरसी विधेयकमा खेलेको भूमिकालगायतका कारण गठबन्धन भत्किएर नयाँ समिकरण बनेको हो ।
सोमबार साँझ टुंगिएको नयाँ समिकरणमा नेकपा एमाले, रविको पार्टी, जसमासहित नयाँ सरकार बन्ने भएको छ । त्यस्तै, जनमत पनि नयाँ सरकारमा अटाउने भएको छ ।
एमालेबाट आजै पदम गिरी नयाँ मन्त्री बन्दैछन् भने त्यसैगरी रास्वापाबाट रवि लामिछाने आफै सरकारमा जाने तयारीमा रहेका छन् ।
सचिवालय बैठक सकेर एमाले अध्यक्ष केपी शर्मा ओली बालुवाटारतिर लागेका छन् । ओली नयाँ मन्त्रीको नाम दिन बालुवाटार जान लागेका हुन् ।
