काठमाडौँ । नेपाली काँग्रेसको जारी महासमिति बैठकको आज दोस्रो दिन । बिहान ९ बजेबाट बन्दसत्र सुरु हुँदैछ ।

ललितपुरको गोदावरीमा जारी महासमिति बैठकमा उपसभापति पूर्णबहादुर खड्काले नीति, महामन्त्री गगनकुमार थापाले साङ्गठनिक, अर्का महामन्त्री विश्वप्रकाश शर्माले समसामयिक राजनीतिक र प्रवक्ता डा. प्रकाशशरण महतले आर्थिक प्रतिवेदन पेश गर्ने कार्यसूची रहेको छ।

महामन्त्री थापाको साङ्गठनिक प्रतिवेदनमा सोमबार राति बल्ल सहमति जुटेपछि आज पेश गर्न लागिएको हो । सोमबार अपराह्नदेखि सभापति शेरबहादुर देउवा निवास बुढानीलकण्ठमा करिब ५ घण्टा पदाधिकारी र पूर्वपदाधिकारीबिच छलफल भएको थियो। थापाको प्रस्तावमा सभापति शेरबहादुर देउवा सहमत भएपछि सांठनिक प्रतिवेदन टुङ्गिएको हो।

महामन्त्री थापाले आफ्नो प्रस्तावमा कांग्रेसले २०८४ सालको आम निर्वाचनमा गठबन्धन नगर्ने उल्लेख गरेका छन् ।