अनलाइन डबलीकाठमाडौँ । राष्ट्रियसभा निर्वाचनमा महागठबन्धन हुने चर्चाबीच नेकपा (एमाले) ले छुटै उम्मेदवारी दिने निर्णय गरेको छ । शुक्रबार बसेको सचिवालय बैठकले माघ ११ गते हुने राष्ट्रियसभा सदस्य निर्वाचनमा १९ वटै पदमा उम्मेदवारी दिने निर्णय गरेको महासचिव इश्वर पोखरेलले जानकारी दिए ।
आजको सचिवालय बैठकमा प्रदेशबाट सिफारिस भएर आएका नामहरुबारे प्रारम्भिक छलफल भएको र थप छलफल गरेर निर्णय गर्ने पोखरेलले बताए ।
बैठकपछि महासचिव पोखरेलले भने, ‘प्रदेश कमिटीले प्रत्येक क्लस्टरमा ३ जनाको नाम सिफारिस गर्नुभएको छ । ती नामका बारेमा छलफल गरेका छौं । कतिपय क्लस्टरमा थप छलफल गर्नुपर्ने भएको छ । थप छलफल र प्रस्ट भएपछि पुस २३ गते १९ वटै पदमा उम्मेदवारी दर्ता गर्ने तयारी गरेका छौं ।’
प्रधानमन्त्री तथा नेकपा माओवादी केन्द्रका अध्यक्ष प्रचण्डसँग बढीमा ६ सिट मागिरहेको एमालेले आज गरेको निर्णयलाई बार्गेनिङ गरेको अर्थमा बुझिएको छ ।
गठबन्धनका नेताहरुले मागेको ६ सिटको लागि धम्की दिन आजको निर्णय गरेको बताउँछन् ।
