अनलाइन डबली
काठमाडौं । महिला, बालबालिका तथा ज्येष्ठ नागरिकमन्त्री सुरेन्द्रराज आचार्यले महिलाहरुलाई नेतृत्व दिन सकिएमा भ्रष्टाचार आफै कम हुँदै जाने बताएका छन् ।
शनिबार काठमाडौंमा भएको कार्यक्रममा महिलाहरुलाई नेतृत्व दिन सकिएमा भ्रष्टाचार आफैं कम हुँदै जाने भएकाले महिलालाई थप अधिकार दिने कुरामा गम्भीर हुन आवश्यक रहेको बताएका हुन् ।
“अहिले देशमा भ्रष्टाचारको ठूलो रोग छ । जब महिलाहरुलाई नेतृत्व दिन सकियो भने त्यहाँ भ्रष्टाचारमा अटोमेकि कमि आउँछ । त्यो मान्यता मेरो व्यक्तिगत रुपमा नै छ र मैले उठाउने गरेको पनि छु । जुन सुकै स्थानिय तहमा पनि महिला नेतृत्व छ भने त्यहाँ भ्रष्टाचार पनि कम छ । त्यसैले महिलालाई थप अधिकार दिने कुरामा हामी गम्भिर हुनै पर्छ” मन्त्री आचार्यले भने ।
जबसम्म प्रत्येक घरमा महिलाहरुलाई हेर्ने दृष्टिकोण र महिला सहभागीताका विषयमा सोच्न सकिँदैन् तबसम्म महिला मन्त्रालयले मात्र गरेर महिलामाथि हुने विभेद् अन्त्य हुन नसक्ने उनको भनाई छ ।
मन्त्री आचार्यले भने,“एउटा महिला मन्त्रालयले मात्र गरिदिएर यो महिला माथि हुने विभेद् अन्त्य हुँदैन् । जबसम्म प्रत्येक घरमा महिलाहरुलाई हेर्ने दृष्टिकोण र महिला सहभागीताका कुराका विषयमा हामी सोच्न सक्दैनौं तबसम्म समाज परिवर्तन हुन सक्दैन् ।”
