काठमाडौँ । सरकारले एनसेलको सेयर खरिद बिक्री विवादबारे छानबिनको काम सुरु गरेको छ । विहीबार बसेको मन्त्रिपरिषद् बैठकले टंकमणि शर्माको संयोकत्वमा छानबिन समिति गठन गरेको थियो । समितिलाई एक महिनाको समय दिइएको छ ।
सरकारले अधिकारी दिएलगत्तै समितिले आजैदेखि काम सुरु गरेको संयोजक शर्माले बताएका छन् । निर्धारित समयभित्र छानविको काम सम्पन्न गर्ने समेत समितिले जनाएको छ ।
पूर्व महालेखा परीक्षक समेत रहेका शर्माको नेतृत्वमा बनेको समितिमा सरकारका सचिव फणीन्द्र गौतम, सहसचिव बाबुराम भण्डारी, सहसचिव हृदयेशकुमार शाक्य, आइक्यानका अध्यक्ष सुजनकुमार काफ्ले सदस्य रहेका छन् ।
नियमनकारी निकायलाई जानकारी नै नदिएर एनसेल आजियटाले सतीशलाल आचार्य सञ्चालक रहेको स्पेक्ट्रलाइट यूके कम्पनीलाई ८० प्रतिशत शेयर बिक्री गरेको साबैजनिक भएको थियो ।
६ खर्बमा शेयर बिक्री भएको तर ५ सय मिलियन अमेरिकी डलर अर्थात नेपाली रुपैयाँ ६६ अर्ब हाराहारीमा बिक्री भएको सार्बजनिक भएपछि सरकारले प्रधानमन्त्री प्रचण्डले छानबिनको लागि निर्देशन दिएका थिए ।