अनलाइन डबली
काठमाडौं । युवा तथा खेलकुदमन्त्री डिगबहादुर लिम्बुले सरकार खेलाडीहरुले राम्रो सुविधा व्यवस्थापनका लागि नीति निर्माणमा लागिपरेको बताएका छन् ।
बुधवार काठमाडौंमा फिटनेसद्वारा आयोजित पत्रकार सम्मेलनमा बोल्दै उनले अहिले नीतिगत रुपमा गरिएका व्यवस्थाहरु अनुसारका सुविधा प्रयाप्त नभएको भन्दै यसलाई अगाडि बढाउन सरकार दृढ रहेको बताए ।
“खेलाडीहरुले पाउनुपर्ने सेवा, सुविधाहरु नीतिगत रुपमा व्यवस्था गरिएको छ । अझ त्यसलाई बढाउनुपर्छ भन्न पक्षमा छु म । त्यतिले पुग्दैन । आगामि दिनमा बजेट बनाउँदा मात्रा बढाएर दुख गरेर देश र जनाको लागि खेलेका खेलाडीहरुको लागि अरु सुविधा बढाउनुपर्छ भन्ने खालको नीति बनाउन लागिपरेका छौं । म यो सरकाको प्रतिनिधिको रुपमा छु । यो युवा तथा खेलकुद मन्त्रालयको मन्त्री भएको कारणले सकेसम्म सबै खेल विधाहरुको खेलाडीहरुले राम्रो सुविधा पाउन सक्ने राम्रो व्यवस्थापन गर्न सकिने नीति निर्माण गर्ने तर्फ प्रयास गरिरहेको छु” मन्त्री लिम्बुले भने ।
सबै खेलसँग सम्बन्धित संघसस्थाहरुले राम्रोसँग काम कारबाही गर्न नसक्दा खेलाडीहरुरुले पाउनु पर्ने सेवा सुविधाबाट बञ्चित हुनुपरेको लिम्बुले टिप्पणी गरे ।
उनले भने,“खेलाडिले दुख गरेर मेहेनत गरेको छ पाउनुपर्ने सेवा सुविधा पाएको छैन् । कतिपय खेलसंघहरुको पछि किन मन्त्री लाग्यो होला भन्छन् । तर, समग्रमा मन्त्रालयसँग सम्बन्धित खेल संघहरुको के छ भने कति संघले साधारणसभा नै नगर्ने आवधिक रुपमा निर्वाचन पनि नगर्ने त्यसपछि त्यहाँ आवद्ध खेलाडिहरुले सुविधा नपाउने भयो ।”
खेलाडीहरुले देशको हित र विकासमा महत्वपुर्ण भूमिका निर्वाह गरेको भन्दै उनीहरुको सेवा, सुविधा बढाउने कुरामा सरकारले कुनै कसुर बाँकी नराख्ने मन्त्री लिम्बुको भनाइ थियो ।
