अनलाइन डबली
काठमाडौँ । सरकारले भूकम्प पीडितको लागि अस्थायी आवास निर्माणका लागि सुरक्षा निकायलाई परिचालित गर्ने निर्णय गरेको छ ।
बुधबार सिंहदरबारस्थित प्रधानमन्त्री कार्यालयमा बसेको मन्त्रिपरिषद्को बैठकले अस्थायी बसोबासको लागि आवास निर्माणमा सुरक्षाकर्मी परिचालन गर्ने निर्णय गरेको हो ।
चिसो बढ्दै गएपछि त्रिपालमुनि रात कटाउन बाध्य प्रभावितको लागि सरकारले छिटो अवासमा बसाउन यो निर्णय गरेको प्रचार तथा सूचना प्रविधि मन्त्री रेखा शर्माले बताइन् ।
सरकारले प्रमुख जिल्ला अधिकारीको नेतृत्वमा नेपाली सेना, सशस्त्र प्रहरी बल र नेपाल प्रहरीलाई अस्थायी आवास निर्माणमा खटाउने निर्णय गरेको शर्माले जानकारी दिइन् ।
