अनलाइन डबली
काठमाडौँ । प्रधानमन्त्री प्रचण्ड र नेकपा एमालेका अध्यक्ष केपी शर्मा ओलीलाई सिंहदरबारस्थित प्रधानमन्त्री कार्यालयको नयाँ अवलोकन गराएका छन् ।
मंगलबार भेट्न सिंहदरबार पुगेका ओलीलाई प्रधानमन्त्री प्रचण्ड नयाँ नयाँ कार्यकक्षको अवलोकन गराएका थिए । त्यसपछि प्रचण्ड र ओलीबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा भेटवार्ता भएको थियो ।
पार्टीको अभियान उद्घाटन गर्न सुदूरपश्चिम जानुअघि ओली सिंहदरबार पुगेका थिए ।
प्रधानमन्त्रीको सचिवालयका अनुसार भेटमा समसामयिक राजनीतिक घटनाक्रमबारे छलफल भएको थियो । त्यस्तै पछिल्ला दिनमा व्यवस्था विरुद्ध भइरहेका पदर्शनकाबारेमा पनि दुई नेताबीच छलफल भएको बताइएको छ ।
प्रधानमन्त्री प्रचण्डले कोप–२८ सम्मेलनमा जान लागेको जानकारी गराउँदै ओलीसँग सुझाव मागेका थिए ।
त्यसैगरी ओलीले आफू पनि मध्यपहाडी लोकमार्गको पदयात्रा निस्कन लागेको जानकारी गराएको थिए ।
दुबै नेता संविधान र शान्ति प्रक्रियाबाट प्राप्त उपलब्धिविरुद्ध हुने हरकतलाई एकजुट भएर परास्त गर्न सहमत भएको बताइएको छ ।
