अनलाइन डबलीकाठमाडौँ । सामाजिक संजाल टिकटक बन्द गर्ने सरकारको निर्णयविरुद्ध सर्वोच्च अदालतमा ८ वटा रिट दर्ता भएका छन् । सर्वोच्चले शुक्रवार पेस भएका रिट निवेदनहरू दर्ता मङ्सिर ४ गतेका लागि पहिलो पेशी तोकेको छ ।
सरकारले टिकटक नियमनमा आउन नचाहेको र सामाजिक सदभाव बिग्रिँदै गएको र अपराध न्युनिकरण र दोषीमाथिको कारवाही प्रक्रियामा सहयोग नपुराएको भन्दै सरकारले नेपालमा तत्कालका लागि टिकटक बन्द गर्ने निर्णय लिएको थियो ।
गत कात्तिक २७ गतेको मन्त्रिपरिषद् बैठकबाट टिकटकमा प्रतिबन्ध लगाउने निर्णयसँगै नेपालका अधिकांश इन्टरनेट सेवा प्रदायकहरुले टिकटक नचल्ने बनाएका छन् ।
सरकारले टिकटकमाथि प्रतिबन्द लगाउने निर्णयको केहीले विरोध गरिरहेको बेला निर्णय खारेजीको माग गर्दै सर्वोच्चमा रिट दर्ता भएका छन् ।
यसैबीच सुरुमा सरकारले गरेको पत्राचारलाई कुनै वास्ता नगरेको टिकटकले भने सरकारलाई पत्राचार गरेर नियमनको लागि सहयोग गर्न तयार रहेको जनाएको छ ।
