अनलाइन डबली
काठमाडौं । नेपाली कांग्रेसले चियापानको आयोजना गरेको छ । पार्टी कार्यालय सानेपामा नेपाली कांग्रेसको मेलमिलाप दिवसका सन्र्दभमा आयोजित चियापान कार्यक्रमको आयोजना गरेको हो ।
चियापान कार्यक्रममा राजनीतिक दलका शिर्ष नेताहरुदेखि काँग्रेसको समर्थक तथा शुभचिन्तकको भीड लागेको थियो ।
कार्यक्रममा पत्रकारहरुसँग छोटो बोल्दै सभापति शेरबहादुर देउवाले देश छोडेर जानेहरुलाई रोक्न नहुने बताए । उनले भने, “कसैको पनि रहरलाई रोक्न हुँदैन । रहर पुगेपछि उहाँहरु पनि फर्किनुहुन्छ ।”
सभापति देउवाले पार्टी भित्र बेमेल नरहेको बताउँदै केही असमझदारी हुनु सामान्य भएको बताए । उनले असमझदारीलाई सम्बोधन गर्दै अगाडि बढिरहेको तर्क गरे ।
मेलमिलाप दिवस बनाउँदै छौँ, पार्टी भित्रै मेलमिलापको चै अभाव देखिएको छ नि भन्ने पत्रकारको प्रश्नमा देउवाले भने, “त्यो तपाईँले भन्नु भएको छ । तपाईँले भनेको कुरा त सत्य होइन् नी । मेलमिलाप गर्न खोजी राख्या छु । केही समस्या छ भने समाधान गर्छु मैले ।”
