अनलाइन डबली
काठमाडौं । सरकारले इजरायलबाट उद्दार गरेर ल्याएका २५४ जना विद्यार्थी विहान काठमाडौँ आइपुगेका छन् । द्वन्द्वग्रस्त इजरायलको बेन गुरियन विमानस्थलबाट २ सय ५४ जना नेपाली बोकेको नेपाल वायु सेवा निगमको जहाज शुक्रबार बिहान काठमाडौं अवतरण भएको हो ।
हिजो अपरान्ह उडेको जहाज शुक्रबार बिहान करिब ४ बजे त्रिभुवन अन्तर्राष्ट्रिय विमानस्थल अवतरण गरेको थियो ।
युद्धग्रस्त क्षेत्रबाट फर्किएकालाई लिन विमानस्थलमा पुगेका आफन्तको आँशुमा हर्षको आँसु देखिएको थियो । परिवारजनहरू भावुक भएका थिए । उनीहरू अँगालो हालेर रोइरहेका देखिन्थे ।
विद्यार्थीहरुले इजरायलको अवस्थाबारे संचारकर्मीलाई संक्षिप्त जानकारी दिएका थिए ।
बिहिबार बिहान साढे २ बजे इजरायलका जहाज झण्डै २४ घण्टापछि नेपालीहरुको उद्दार गरी काठमाडौं फर्किएको हो ।
परराष्ट्रमन्त्री एनपी साउदको नेतृत्वमा नेवानीको जहाज इजरायलमा जोखिममा रहेका नेपालीको उद्दारका लागि पठाइएको थियो ।
वरिष्ठ क्याप्टेन श्रवण रिजाल नेतृत्वको क्रुू मेम्बरले उद्धार उडान भरेका हुन् । हमासको आक्रमणमा परी त्यहाँ इन्टर्नमा रहेका १० नेपाली विद्यार्थीको मृत्यु भएको थियो । उनीहरूको शव भने ल्याइएको छैन ।
आफन्तहरुले सरकारलाई धन्यवाद दिँदै यो गुन कहिलै नभुल्ने बताएका छन् ।
