अनलाइन डबलीकाठमाडौँ । प्रधानमन्त्री प्रचण्डलाई भेट्न प्रमुख प्रतिपक्ष दल नेकपा एमालेका अध्यक्ष केपी शर्मा ओली सिंहदरबार पुगेका छन् । शनिबार विहान ओली प्रचण्डलाई भेट्न सिंहदरबार पुगेका हुन् ।
प्रधानमन्त्री तथा मन्त्रीपरिषद्को कार्यालयमा प्रधानमन्त्री र ओलीबीच भेटवार्ता भएको थियो । स्रोतका अनुसार पशुपतिनाथको जलहरीमा भ्रष्टाचार भएको भन्दै अख्तियार दुरुपयोग अनुसन्धान आयोगले मुद्दा दायर गरेपछि ओलीले भेटघाटलाई तीब्र पारेका छन् ।
सोही सक्रममा प्रधानमन्त्रीलाई पनि भेट्न ओली सिंहदरबार पुगेको बताइएको छ ।
तर प्रधानमन्त्री कार्यालयले भने भेटमा पछिल्लो समसामयिक राजनीति विषय र सङ्क्रमणकालीन न्यायसम्बन्धी विधेयक लगायतका विविध विषयमा छलफल भएको बताएको छ ।
