अनलाइन डबली
काठमाडौं । प्रधानमन्त्री प्रचण्डले नेपाल–चीन व्यापार सम्मेलनलाई सम्बोधन गर्दैछन् । मित्र राष्ट्र चीनको औपचारिक भ्रमणमा रहेका प्रचण्डले बेइजेङिमा हुने सम्मेलनलाई सम्बोधन गर्ने कार्यक्रम रहेको छ ।
उक्त सम्मेलनलाई सम्बोधन गर्न प्रधानमन्त्री प्रचण्ड बेइजिङ पुग्दैछन् । सम्मेलनमा नेपाल र चीनका १ सयभन्दा बढी उद्योगी–व्यवसायी सहभागी रहने जनाइएको छ ।
आजै प्रधानमन्त्री दाहाल रात्रिभोजमा सहभागी हुनेछन् । चीनका लागि नेपाली राजदूत विष्णुपुकार श्रेष्ठले प्रधानमन्त्री र चीन भ्रमणमा रहेको नेपाली प्रतिनिधिमण्डलको सम्मानमा रात्रिभोजको आयोजना गर्न लागिएको हो ।
प्रधानमन्त्री दाहालले सोमबार चिनियाँ समकक्षी ली छियाङसँग द्विपक्षीय वार्ता गर्नुको साथै चीनको नेसनल पिपुल्स कांग्रेसको स्थायी समितिका अध्यक्ष चाओ लेजीसँग पनि भेटवार्ता गर्ने कार्यक्रम रहेको छ ।
प्रधानमन्त्री दाहाल प्रतिनिधिमण्डलसहित यही असोज १३ गते नेपाल फर्किने कार्यक्रम रहेको छ ।
