हुम्ला । हुम्ला जिल्लाको सर्केगाड गाउँपालिकामा काँग्रेस–एमालेका दुई दर्जन नेता तथा कार्यकर्ता नेकपा (माओवादी केन्द्र)मा प्रवेश गरेका छन् । ‘जनतासँग माओवादी विशेष रुपान्तरण अभियान’ अन्तरगत शुक्रबार सर्केगाडमा भएको सो कार्यक्रमा पार्टी प्रवेश गरेको जिल्ला समन्वय समिति संयोजक डा.दीपेन्द्र रोकायाले अनलाइन डबलीलाई जानकारी दिए ।

व्यापक उपस्थितिका साथ भएको बैठक तथा प्रशिक्षण कार्यक्रममा पार्टी केन्द्रीय सदस्य तथा अभियान जिल्ला इन्चार्ज झगबहादुर मल्ल‘सुदिप’ले टिका लगाएर स्वागत गरेका थिए । इन्चर्ज मल्लले जनयुद्धकालिन् आधार इलाका सर्केगाड शान्तिकालिन् समयमा पनि उत्तिकै उर्बर रहेको बताए । उनले पार्टी केन्द्रले लिएको लक्ष्य र उद्देश्यलाई ध्यानमा राखेर पार्टीलाई शुदृढ बनाउँदै जनतामा भिज्न निदेर्शन दिए ।

जिल्ला संयोजक डा.रोकायाले पार्टीले लिएको लक्ष्यलाई पूरा गर्न संगठन विस्तार र सुदृढतालाई जोड दिदै, जनताका आवश्यकता र समस्याहरुमाथि ध्यान दिने बताए । उनले जिल्लालाई नमुना जिल्लाकारुपमा स्थापित गर्ने प्रण लिएको बताए ।

सो बैठकमा वडा नं.१ (जैर) पार्टी इन्चार्ज धनलाल धमला, वडा नं.२(रिप) पार्टी इन्चार्ज सिंह धामी, वडा नं.३ (उनापानी) पार्टी इन्चार्ज देबिलाल चौलागाई, वडा नं.४ (सायाँ) पार्टी इन्चार्ज चन्द्र सिंह कार्की, वडा नं.५ (गाठी) पार्टी इन्चार्ज गोविन्द बहादुर शाही, वडा नं.६ (बराई) पार्टी इन्चार्ज छबी थापा, वडा नं.७ (रोडिकोट) पार्टी इन्चार्ज धर्मराज बोहरा, वडा नं.८ (रादेउ) पार्टी इन्चार्ज गोपाल बुढाले वडाहरुको रिपोर्टीङ गरेका थिए ।

जनतामा माओवादी,घरघरमा माओवादी नाराका साथ १६ गते सुरु भएको विशेष रुपान्तरण अभियान अभियान ३ महिनसम्म चल्ने जनाइएको छ ।