अनलाइन डबली
काठमाडौं । अमेरिकाले एमसीसीबारे संसदले पारित गरेको व्याख्यात्मक घोषणालाई स्वीकार गरेको छ । योसँगै अमेरिका र नेपालबीच ६ बर्ष पहिले सम्झौता भएको मिलेनियम च्यालेन्ज सम्झौता (कम्प्याक्टअ) आजबाट पूर्णरूपमा कार्यान्वयनमा जाने भएको छ ।
एमसीसी स्वीकार गर्ने र नगर्ने विवाद बढ्दै गएपछि प्रधानमन्त्री प्रचण्डको पहलमा संसदले व्याख्यात्मक टिप्पणीसहित संसदबाट अनुमोदन गरेको थियो ।
तत्कालिन सरकारले मन्त्रिपरिषद् बैठकबाट नेपाल कुनै सैन्य गठबन्धनमा संलग्न नहुने, नेपालको कानुन र संविधान भन्दा एमसीसी माथि नहुनेलगायतका विवादित १२ बुँदामा सरकारले आफ्नो धारणा सार्वजनिक गरेको थियो ।
त्यसपछि सरकारले संसदमा पेश गरेको थियो । संसदमा ठूला तीन राजनीतिक पार्टीले समर्थन जनाएका थिए ।
साउन ३१ गते बसेको मिलेनियम च्यालेन्ज एकाउन्ट नेपाल विकास समिति (एमसीए–नेपाल) को सञ्चालक समिति बैठकले भदौ १३ लाई इआइएफ मिति तोकेको थियो ।
एमसीसी नेपाल कम्याक्टअन्तर्गत कार्यान्वयन हुने विद्युत् प्रसारणलाइन र सडक निर्माणसम्बन्धी आयोजनाको काम इआईएफ मिति घोषणा भएको पाँच वर्षभित्रमा सम्पन्न गरिसक्नुपर्नेछ । यसरी पाँच वर्ष गणना थालिने अवधि आजलाई तोकिएको हो ।
यसैबीच एमसीसीका उपाध्यक्ष क्यामरुन एलफोर्ड नेपाल भ्रमणमा आइपुगेका छन् । नेपालसँगको एमसीसी सम्झौताको सुरुआतको अवसर पारेर एमसीसीका सम्झौता कार्य–सञ्चालनसम्बन्धी उपाध्यक्ष क्यामरुन एलफोर्ड मंगलबार नेपाल भ्रमणमा आएका छन् ।
यस्तो छ १२ बुँदे व्याख्यात्मक घोषणाः
