काठमाडौं । प्रधानमन्त्री प्रचण्डले सुन तस्करी प्रकरणमा माओवादी केन्द्रका उपाध्यक्ष एवं पूर्वसभामुख कृष्णबहादुर महरालाई गिरफ्तार गरेर वा बयन लिएर प्रतिवादी बनाउन निर्देशन दिएको बताएका छन् ।

मंगलबार बालुवाटारमा सम्पादकहरुसँगको छलफलमा प्रधानमन्त्रीले आफूले सीआईबीका प्रमुख र आईजीपीलाई बोलाएर त्यसबारे जानकारी दिएको बताए ।

“महरालाई गिरफ्तार गरेर हुन्छ कि बयान लिएर हुन्छ प्रतिवादी बनाएर छानबिन गर्न निर्देशन दिएको छु । मैले सीआईबीका प्रमुख र आईजीपीलाई बोलाएर महराको नाम समावेश गर्नु गल्ती कि प्रतिवादी नबनाएर गल्ती गरेको हो ? सोधेँ, जवाफमा उनीहरूले नाम समावेश हुनु गल्ती भएको बताए” प्रधानमन्त्रीले छलफलको क्रममा भने ।

प्रधानमन्त्रीले सुन तस्करी प्रकरणमा लगातार सदन अवरोध गरेर सरकारलाई काम गर्न अप्ठ्यारो बनाएको बताए ।