![](https://onlinedabali.com/wp-content/uploads/2023/08/lama.jpg)
काठमाडौँ । लुम्बिनी विकास कोषका नवनियुक्त उपाध्यक्ष डा. ल्हारक्याल लामाले पवित्र लुम्बिनी र बुद्धको इच्जत हुने नदिने बताएका छन् । बिहीबार पदभार ग्रहण गर्दै लामाले आफू लामो समयदेखि बुद्धमार्गमा रहेर बुद्धकै सन्देश फैलाउने काम गरेको बताए । उनले लुम्बिनीलाई अन्तर्राष्ट्रिय स्तरसम्म प्रचार गर्ने बताए ।
लुम्बिनीस्थित कोषको प्रधान कार्यालयमा पदभार ग्रहण गर्दै लामाले बुद्ध जन्मस्थल लुम्बिनीबाट ७ किलोमिटर दक्षिण निपनियास्थित दानव नदी किनारमा बाढीको जोखिममा रहेको कुषाणकालीन इट्टाले बनेको इनारको उद्धार संरक्षण उत्खनन् गर्ने निर्णय सदर गरेका छन् ।
स्वागत कार्यक्रममा लुम्बिनी विकास कोषका कोषाध्यक्ष ढुण्डिराज भट्टराई, कोषका सदस्य सचिव सानुराजा शाक्यले लुम्बिनीको कार्यक्षेत्र ठूलो रहेको र सीमित साधन स्रोतबाट काम भइरहेको बताए ।
यसअघिका उपाध्यक्ष अवधेश त्रिपाठीको कार्यकाल साउन ९ गते सकिएपछि सरकारले साउन १६ गते लामालाई उपाध्यक्षका रुपमा नियुक्त गरेको थियो ।