काठमाडौँ । आज पनि प्रतिनिधिसभा बैठक बस्दै छ । मंगलबार गृहमन्त्रीले सुन प्रकरणबारे जवाफ दिँदा पनि नेकपा एमालेले संसद अवरुद्ध गरेको थियो ।

संसद् सचिवालयका अनुसार आजको कार्यसूचीमा बैठकमा सभामुख देवराज घिमिरेले राष्ट्रपतिको कार्यालयबाट प्राप्त कार्यभार तोकिएको र विधेयक प्रमाणीकरण सम्बन्धी पत्रहरूको ब्यहोरा पढेर सुनाउने रहेको छ ।

त्यसै गरी सभामुख घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार तोकिएको सम्बन्धी पत्रहरूको ब्यहोरा पढेर सुनाउनेलगायतका कार्यसूची छन् ।

तर, एमालेले संसद बैठकलाई कार्यसूचीमा प्रवेश गर्न नदिने तयारी गरेको बताइएको छ ।