अनलाइन डबली
काठमाडौं । सर्वोच्च अदालतले दानबहादुर कार्कीको रिट दर्ता गरेको छ । कार्कीले विहीबार आफूलाई गैरकानूनीरूपमा प्रहरी महानिरीक्षकबाट हटाइएको दाबीसहित सर्वोच्चमा पेश गरेका थिए ।
कार्कीले कानुन व्यवसायीमार्फत विहीबार रिट दर्ता गर्न लगाएपनि दर्ता भएको थिएन । विहीबार अध्ययन गरेर नसकिएकाले बताउँदै सर्वोच्च प्रशासनले रिट शुक्रबार दर्ता भएको जनाएको छ ।
निवेदन दर्ता भएको भोलिपल्ट सुनुवाइको लागि पेशी तोक्ने चलन अनुसार विहीबार रिट दर्ता भएको भए आज सुनुवाई सुरु हुन सक्थ्यो । तर, भोलिबाट लगातार बिदा भएकोले कहिलेबाट सुनुवाई हुन्छ भन्ने सर्वोच्चले जानकारी दिएको छैन ।
अब तिहार विदापछि सुनुवाई सुरु हुन सक्ने बताइएको छ ।
विचौलिया इनम सापकोटासँग प्रधानमन्त्री निकट व्यक्तिहरुको कनेक्सनको सुचना बाहिरिएपछि सरकारले प्रहरी महानिरीक्षक कार्कीलाई हटाएर मनोज केसीलाई जिम्मेवारी दिएको थियो ।
