आज :

माओवादी केन्द्रको बैठकः आज प्रचण्डले जवाफ दिने, आजै समापन गर्ने तयारी 

  • अनलाइन डबली

काठमाडौँ । नेकपा माओवादी केन्द्रको केन्द्रीय समिति बैठकको आज पाँचौं दिन । अध्यक्ष प्रचण्डले पेश गरेको राजनीतिक प्रतिवेदनमाथि नेताहरुले बोल्ने क्रम सकिएको छ ।

केन्द्रीय सदस्यहरुले उठाएका प्रश्व वा धारणाको आज अध्यक्ष प्रचण्डले जवाफ दिने भएका छन् । त्यस्तै, आज बस्ने बैठकले पार्टीको योजना बनाउने र कार्यविभाजनको प्रक्रिया अघि बढाउनेछ । बैठक आजै समापन गर्ने तयारी भइरहेको छ ।

त्यो भन्दा पहिले राजनीतिक प्रतिवेदन पारित गर्ने कार्यसूची रहेको छ । शनिबारसम्म आइपुग्दा बैठकमा जर्नादन शर्मा, वर्षमान पुनलगायत दुई सय बढी नेताहरुले आफ्नो धारणा राखेका छन् ।

मङ्सिरमा गर्ने भनिएको विधान सम्मेलन, समसामयिक राजनीतिक विषय, पार्टी नेतृत्वको सरकारले गरेका काम कारबाहीका बारेमा मुख्य गरी बैठकमा छलफल भइरहेको छ ।

बैठकमा ३८५ जना केन्द्रीय समिति सदस्य, १९८ जना वैकल्पिक सदस्य, केन्द्रीय आयोगका ७५ जना र प्रदेश पदाधिकारीबाट १०० जना गरी जम्मा ७५८ सहभागी भइरहेको माओवादी केन्द्रीय कार्यालयले जनाएको छ ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टिम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal