काठमाडौँ । नेकपा (माओवादी केन्द्र)को केन्द्रीय समिति बैठक दुई घण्टा पछि सरेको छ । ११ बजेको लागि तय भएको बैठक दिउँसो १ बजेबाट सुरु हुने भएको हो ।

विहान बसेको पदाधिकारी बैठकले केन्द्रीय कमिटी बैठक लाइभ नगर्ने निर्णय समेत गरेको छ । नेता कार्यकर्ताले तीब्र असन्तुष्टि जनाएपछि पाँचै दिन लाइभ गर्ने यसअघि स्थायी समिति बैठकको निर्णय सच्याउँदै लाइभ नगर्ने निर्णय गरेको छ ।

त्यसैगरी पदाधिकारी बैठकले राजनीतिक र सांगठानिक प्रतिवेदनलाई अन्तिम रुप दिएको छ । साथै, केन्द्रीय समिति विस्तार गर्ने निर्णय समेत गरेको छ । माओवादीले केन्द्रीय समिति ४०७ जनाको बनाउने निर्णय समेत गरेको छ ।