अनलाइन डबली
काठमाडौँ । बागमती प्रदेश स्वास्थ्य मन्त्रालय अन्तरगत स्वास्थ्य आपूर्ती व्यवस्थापन केन्द्रका तत्कालि निर्देशक डा. अर्जुन सापकोटाले कमिसनको लोभमा गरेको निर्णयले राज्यलाई तीन करोड घाटा हुने भएको छ ।
प्रदेश अन्तरगत सरकारी अस्पतालमा प्रसुती सम्बन्धी परीक्षण गर्न पोटेबल ‘कन्भेक्स अल्ट्रासाउन्ड’ खरिदमा कमिसनको चक्करमा सापकोटाले गलत स्पेक बनाएको एक अधिकारीले बताए । केन्द्रका एक अधिकारीका अनुसार सापकोटाले सप्लायर्ससँग कमिसनको लोभमा ‘माइक्रो कन्भेक्स’ स्पेकको समान माग गरेका थिए ।
माग अनुसारको समान नआएपछि अस्पतालहरुले फिर्ता पठाएपछि सापकोटाले नीतिगत रुपमै भ्रष्टाचार गरेको सार्वजनिक भएको हो । आफ्नो गल्तीलाई ढाकछोप गर्न सापकोटाले त्यही मेसिनमा प्रोव ‘PROB’ खरिद गर्ने तयारी भइरहेको छ ।
सापकोटाको सेटिङमा अहिलेका निर्देशक बसन्त अधिकारीले पनि साथ दिएको स्रोतको दाबी छ । गलत स्पेकको समानलाई अस्वीकार गर्नुको साटो डा. सापकोटाकै योजनामा नयाँ प्रोव खरिद गरेर भ्रष्टाचार काण्डलाई ढाकछोप गर्न अधिकारी पनि लागेको एक कर्मचारीले बताए ।
यस विषयमा अनलाइन डबलीसँग कुरा गर्दै निर्देशक अधिकारीले आफू आउनु भन्दा पहिले ग्रामिण अल्ट्रासाउन्ड खरिद गरिएको र केही ठाउँबाट फिर्ता भएको आफूलाई जानकारी आएको बताए । त्यसमा थप छलफल नभएको अधिकारीले दाबी गरे।
“केही ठाउँबाट समान फिर्ता भएको जानकारी पाएको छु, त्यसबारे थप छलफल भएको छैन । हामीसँग बजेट पनि छैन” अधिकारीले भने ।
तर, स्रोतका अनुसार अधिकारीले सापकोटाको बदमासीलाई बचाउने गरी नयाँ प्रोब खरिद गर्ने छलफल चलाएका छन् ।
यो पनि
