अनलाइन डबली
काठमाडौं । नेकपा (एमाले) को जारी केन्द्रीय कमिटी बैठकमा आजबाट राजनीतिक प्रतिवेदनमाथि छलफल सुरु हुँदै छ । काठमाडौँमा विहीबारबाट सुरु भएको बैठकमा अध्यक्ष केपी शर्मा ओलीले राजनीतिक प्रतिवेदन पेश गरेका थिए ।
आजै बाँकी प्रदेश कमिटीले पार्टी अभियान सम्बन्धी प्रतिवेदन पेश गरेलगत्तै समूहगत छलफलमा जुट्ने बताइएको छ । हिजो चार निकाय र दुई गैरभौगोलिकसहित नौ प्रदेश कमिटीले मिसन ग्रासरुट अभियान सम्बन्धी प्रतिवेदन पेस गरेका थिए ।
महासचिव शंकर पोखरेका अनुसार प्रतिवेदनहरुमाथि बिहान ८ देखि १२ बजेसम्म आठ समूहमा छलफल गर्ने कार्यतालिका बनाइएको छ ।
समूहगत छलफल मिसन ग्रासरुट अभियानको निष्कर्षको आधारमा आगामी दिनमा कसरी कार्ययोजना बनाएर अघि बढ्ने भन्ने विषयमा केन्द्रित हुने नेताहरुले बताएका छन् ।
समूहगत छलफलपछि प्रदेश अध्यक्षहरुले सुझावहरु प्रस्तुत गर्ने छन् । त्यसका लागि हरेक अध्यक्षहरुलाई १० मिनेटको समय उपलब्ध गराइएको छ ।
त्यसपछि आजै स्थायी कमिटीको बैठक बस्ने छ । प्रदेश अध्यक्षहरुबाट प्राप्त सुझावका आधारमा स्थायी कमिटी बैठकले आगामी कार्ययोजनाको प्रस्ताव तयार गर्नेछ ।
भोलि बैठक सक्ने कार्यतालिका रहेको छ ।
