अनलाइन डबली
काठमाडौं । स्वतन्त्र सांसद अमरेशकुमार सिंहले प्रतिनिधिसभा बैठकमा अर्धनग्न भएका छन् । सिंहले बोल्ने समय नदिएको भन्दै आफ्नो कपडा फुकालेर अर्धनग्न भएका हुन् ।
सभामुखले आफुलाई बोल्न समय नदिएको भन्दै सिंहले बैठक सुरु हुनासाथ उठेर विरोध गर्दै सिंहले विरोध गरेका थिए । सिंह उठेर लुगा खोल्दै नाङगो भएपछि सभामुखले असभ्य व्यवहार नदेखाउन चेतावनी दिएका थिए ।
सांसद सिंहको व्यवहारको विरोध जनाउँदै नेकपा एमालेका सांसदले स्वास्थ्य जाँच गर्न माग गरेका छन् । एमाले सांसद अच्युत मैनालीले शून्य समय माग गर्दै सिंहको स्वास्थ्य जाँचको माग गरेका थिए ।
“संसदमा जे गतिविधि देखिएको छ । म मनानीय सदस्यको स्वास्थ्य जाँचको माग गर्दैछु” मैनालीले भने ।
