अनलाइन डबली
काठमाडौँ । प्रधानमन्त्री प्रचण्डले फेरि विश्वासको मत नलिने निष्कर्ष निकालिएको छ । शनिबार अबेर बसेको सत्ता गठबन्धनका शीर्ष नेताहरूले विश्वासको मत लिनुनपर्ने निष्कर्ष निकालेपछि प्रधानमन्त्रीले विश्वासको मत नलिने भएका हुन् ।
यसअघि प्रधानमन्त्रीले विश्वासको मत लिने बेला रवि लामिछानेको पार्टी सरकारमा सहभागी नभएको र सरकारसँग स्पष्ट बहुमत भएकोले समर्थन फिर्ता लिएपनि विश्वासको मत लिने नपर्ने नेताहरुले जोड दिएका थिए । त्यसअघि नेताहरुले कानुनविद्सँग पनि छलफल गरेका थिए ।
संविधानविद् तथा कानुन व्यवसायीहरुले प्रधानमन्त्रीले यसअघि विश्वासको मत लिँदा रविको पार्टी सरकारमा सहभागी नभएकोले पुनः विश्वासको मत लिनु नपर्ने बताउँदै आएका छन् ।
शनिबारको बैठकपछि नेकपा माओवादी केन्द्रका प्रमुख सचेतक हिताराज पाण्डेले प्रधानमन्त्रीले विश्वासको मत नलिने निष्कर्षमा पुगेको बताए । गठबन्धनसँग स्पष्ट बहुमत भएकोले विश्वासको मत लिन डराउन नपर्ने नेताहरुले बैठकमा बताएको बताइएको छ ।
गठबन्धनसँग अहिले पनि १५८ सांसद रहेका छन् ।
त्यसैगरी बैठकमा आगामी आर्थिक वर्षको नीति तथा कार्यक्रम बारेमा पनि छलफल भएको बताइएको छ ।
