अनलाइन डबली
काठमाडौँ । लुम्बिनी प्रदेशका मुख्यमन्त्री डिल्लीबहादुर चौधरीले आज विश्वासको मत लिने तयारीमा छन् । गठबन्धनको समर्थनमा बिहीबार सत्ता चौधरी मुख्यमन्त्रीमा नियुक्त भएका थिए ।
शुक्रबार पद तथा गोपनीयताको शपथ लिएर पदभार ग्रहणपछि बसेको मन्त्रिपरिषद् बैठकले आज विश्वासको मत लिने निर्णय गरेको थियो । प्रदेशसभाको बैठक आज बिहान ११ बजेका लागि बोलाइएको छ ।
चौधरी नेतृत्वको सरकारमा ३ जना बिना विभागीय मन्त्री छन् । अहिले बिना विभागीय मन्त्रीका रूपमा माओवादीका धनबहादुर मास्की, जसपाका सन्तोष पाण्डेय, नागरिक उन्मुक्तिका धर्मबहादुर चौधरी छन् ।
नेपाली कांग्रेस र माओवादी केन्द्रसहित सत्तारुढ दलहरुले चौधरीलाई समर्थन गरेका छन् ।
नेकपा माओवादी केन्द्रले समर्थन फिर्ता लिएपछि नेकपा एमाले नेतृत्वको प्रदेश सरकार ढलेसँगै चौधरी मुख्यमन्त्री नियुक्त भएका थिए ।
