अनलाइन डबली
काठमाडौँ । प्रधानमन्त्री प्रचण्ड र राष्ट्रिय स्वतन्त्र पार्टीका सभापति रवि लामिछानेबीच भेटवार्ता भएको छ। आइतबार विहान प्रधानमन्त्रीको सरकारी निवास बालुवाटारमा भएको भेटवार्तामा सरकारमा सहभागितालगायतका विषयमा छलफल भएको बताइएको छ।
प्रधानमन्त्रीले रवि लामिछानेलाई चितवन २ बाट निर्वाचित भएकोमा बधाई तथा शुभकामना दिनुभएको प्रधानमन्त्रीको सचिवालयले जनाएको छ ।
प्रधानमन्त्री प्रचण्डले सभापति लामिछानेलाई मिलेर चुनौतीको सामना गर्न र अहिलेको संकटबाट मुलुकलाई पार लगाउन सहयोग गर्न आग्रह गरेको बताइएको छ । प्रधानमन्त्रीको आग्रहमा रवि लामिछाने सकारात्मक रहेको जनाइएको छ ।
सरकारलाई दिएको समर्थन कायम राख्ने कि नराख्ने भन्नेबारे छलफल गर्न रविले सोमबार ११ बजे पार्टी केन्द्रीय समितिको बैठक बोलाएका छन्। भोलि नै बस्ने संसदीय दलको बैठकले लामिछानेलाई नेता चुन्ने बताइएको छ।
