अनलाइन डबली
काठमाडौँ । नेकपा (क्रान्तिकारी माओवादी) र नेकपा (बहुमत) बीच पार्टी एकता टुंगो लागेको छ । काठमाडौंमा सम्पन्न एकता अधिवेशनले नयाँ पार्टीको नाम र नेतृत्वको समेत टुंगो लगाएको छ ।
एकतापछि बन्ने नयाँ पार्टीको नाम क्रान्तिकारी कम्युनिस्ट पार्टी नेपाल रहने भएको छ । पार्टी अध्यक्ष मोहन वैद्य र प्रवक्ता धर्मेन्द्र बास्ताेला बन्ने पनि अधिवेशनले टुंगो लगाएको छ ।
त्यसैगरी १५ सदस्यीय कार्यलय सदस्य र ८७ सदस्यीय सचिवालय पनि गठन गरिएको छ । त्यस्तै, २६७ सदस्यीय केन्द्रीय महाधिवेशन आयोजक समिति बनाइएको छ ।
एकताका लागि अन्तरिम विधान पास गरिएको छ भने पार्टीको दस्तावेज पनि पारित भएको छ। एक वर्षभित्र एकता महाधिवेशन गर्ने निर्णय पनि भएको छ ।
पार्टी एकताको घोषणा वैशाख १८ गते मजदुर दिवसका दिन गरिने बास्तोलाको भनाई छ ।
