अनलाइन डबली
काठमाडौँ । उपचुनावको अन्तिम परिणाम सार्वजनिक भइसकेको छ । चितवन-२ र तनहुँ १ मा रविको पार्टीले जित हात पारेको छ भने बारा-२ मा जनता समाजवादीका अध्यक्ष उपेन्द्र यादवले ।
तीनवटै निर्वाचन क्षेत्र जित्ने दाबी गरेको नेकपा एमाले दोस्रो पनि हुन सकेन । एमालेले मंसिर ४ मा सम्पन्न चुनावको मत पनि जोगाउन सकेन । चितवन र तनहुँमा एमालेको बढी मत रास्वपाकाेमा गएको छ ।
एमालेकै भोटले तनहुँमा स्वर्णिम वाग्लेले जित हात पारेका छन् ।
यसैबीच उपचुनावसहित पछिल्लो राजनीतिक घटनाक्रम र पार्टीले चलाएको अभियानको समिक्षा गर्न नेकपा एमाले केन्द्रीय कमिटी बैठक बोलाएकाे छ ।
अध्यक्ष केपी शर्मा ओलीले केन्द्रीय समिति बैठक आफ्नै जिल्लामा बोलाएका छन् ।
केन्द्रीय कार्यालयका सचिव डा. भीष्म अधिकारीका अनुसार बैठक वैशाख २८ देखि ३० गतेसम्म बोलाइएको छ । गत मंसिरको चुनावपछि पनि एमालेको केन्द्रीय कमिटी बैठक बसेको थिएन ।
