अनलाइन डबली
काठमाडौं । आज १७ औँ लोकतन्त्र दिवस विभिन्न कार्यक्रम आयोजना गरी मनाइँदैछ । तत्कालिन राजा ज्ञानेन्द्र शाहले २०६३ वैशाख ११ गते संसद पुनर्स्थापना गरेको दिनको खुसियालीमा लोकतन्त्र मनाउन थालिएको हो ।
ज्ञानेन्द्र शाहले २०६१ साल माघ १९ गते शासन सत्ता हातमा लिएका थिए । त्यसको विरोधमा सडक संघर्षमा रहेका सात राजनीतिक दल र जनयुद्धमा गरिरहेको तत्कालिन नेकपा माओवादीबीच २०६२ मंसिरमा १२ बुँदे सहमति भएको थियो ।
१२ बुँदे सहमतिपछि जनआन्दोलन सुरु भएको थियो । जनआन्दोलनमा माओवादी र सात दलको सहभागिता रहेको थियो । आन्दोलन देशभर पुगेपछि ज्ञानेन्द्र शाहले वैशाख ११ गते राति संसद् पुनर्स्थापनाको घोषणा गरेका थिए ।
त्यही सम्झनामा हरेक वर्ष लोकतन्त्र दिवस मनाउँन थालिएको छ । यो वर्ष पनि देशभर विविध कार्यक्रम गरी मनाइँदैछ ।
वि.सं २०६४ चैत २८ जपहिलो संविधानसभा चुनाव भयो । संविधानसभाको २०६५ जेठ १५ गते बसेको पहिलो बैठकले २४० वर्षे राजसंस्थाको विधिवत् अन्त्य गरेको थियो । गणतन्त्र स्थापनाको दिन पनि दिवस मनाइन्छ ।
