अनलाइन डबली
सुर्खेत । कर्णाली प्रदेशमा आजबाट नेपाली काँग्रेस औपचारिक रुपमा सरकारमा सहभागी हुने भएको छ । सरकारलाई विश्वासको मत दिँदै आएको काँग्रेस सरकारमा सहभागी भएको थिएन ।
नेकपा एमाले बाहिरिएपछि काँग्रेस सरकार सहभागी हुने भएको हो । एमालेले समालेका तीन मन्त्रालय काँग्रेसले पाउने भएको छ । काँग्रेसले आर्थिक मामिला, सामाजिक विकास र उद्योग, पर्यटन मन्त्रालयमा नाम पनि सिफारिस गरेको छ ।
काँग्रेसको प्रदेश कार्यसम्पादन समितिको बैठकले कृष्ण कुमार बिसी, खड्ग बहादुर पोखरेल र बेदराज सिंहलाई सरकारमा पठाउने निर्णय गरेको थियो ।
काँग्रेसले सिफारिस गरेका मन्त्रीहरुको आज शपथ राखिएको मुख्यमन्त्रीको कार्यालयले जनाएको छ ।
सिंहले आर्थिक मामिला तथा योजना, पोखरेलले सामाजिक विकास र बिसीले उद्योग, पर्यटन, वन तथा वातावरण मन्त्रालयको जिम्मेवारी पाएका छन् ।
सरकारका प्रवक्ता कृष्णबहादुर जिसीका अनुसार शपथ गराउने तयारी भइरहेको छ ।
