आज :

आज मन्त्रिपरिषद् विस्तार हुँदै, एनपी साउद परराष्ट्रमन्त्री

  • अनलाइन डबली

काठमाडौं । प्रधानमन्त्री प्रचण्डले आज मन्त्रिपरिषद् विस्तार गर्दै छन् । नेपाली काँग्रेस मन्त्रीको नाम दिन ढिला गरेका कारण मन्त्रिमण्डल पूर्णता पाउन सकेको छैन । महामन्त्री गगन थापा-शशांक कोइराला समूहले ३ मन्त्री मागेका कारण सभापति शेरबहादुर देउवाले मन्त्रीको नाम दिन सकेका थिएनन् ।

तीनवटा मन्त्रालय पाउने भएपछि संस्थापन इतर समूहले मन्त्रीको नाम पठाउन सहमत भएपछि मन्त्रिमण्डल विस्तार हुन लागेको हो ।

नेपाली कांग्रेसको संस्थापन पक्षले एनपी साउदलाई मन्त्रि बनाउने निर्णय गरेको छ । सभापति देउवाले साउदको नाम प्रधानमन्त्री प्रचण्डलाई दिइसकेका छन् भने संस्थापन इतरबाट तीनजनाको नाम आएको छैन ।

काँग्रेसको भागमा परेको परराष्ट्र मन्त्रालयको जिम्मा साउदले पाउँदैछन् । गगन-कोइराला समूहले मन्त्रीको नाम नदिएपनि साउदलाई आजै शपथ खुवाउने तयारी भइरहेको छ ।

आज दिउँसो ३ बजे शपथको कार्यक्रम राखिएको छ । थापा-कोइराला समूहले भने उपचुनावपछि मात्रै नाम दिने बताउँदै आएको छ ।

त्यसैगरी जसपाको भागमा परेको वन तथा वातावरण मन्त्रालय पनि खाली नै रहेपनि आज नाम दिन नसकिने जसपाले बताएको छ ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal