अनलाइन डबली
काठमाडौं । नेकपा (माओवादी केन्द्र) को पदाधिकारी बैठक बस्दैछ । बुधबार ४ बजे बैठक बस्न लागेको हो । बैठक पार्टी केन्द्रीय कार्यालय पेरिस डाँडामा बस्ने भएको हो ।
बैठकमा उपचुनाव, सरकारका काम कारवाहीलाई थप प्रभावकारी कसरी बनाउनेबारे छलफल हुने नेताहरुले बताएका छन् ।
त्यसैगरी सरकारको न्यूनतम साझा कार्यक्रमबारे पनि छलफल हुनेछ । नयाँ गठबन्धनपछि बनेको संयुक्त सरकारले साझा कार्यक्रमको ड्राफ्ट भइरहेको छ ।
सरकारका साझा कार्यक्रम तयार गर्न नेपाली कांग्रेस सचेतक रमेश लेखक, माओवादी केन्द्रका उपमहासचिव तथा उर्जामन्त्री शक्तिबहादुर बस्नेत, जसपा राजेन्द्र श्रेष्ठ र एकीकृत समाजवादीका विजय पौडेलको कार्यदल बनेको छ । उक्त कार्यदलले नयाँ मस्यौदा तयार पारेको छ ।
त्यसलाई अन्तिम रुप दिएर सार्वजनिक गर्ने सरकारीले तयारी गरेको छ । भोलि नै साझा कार्यक्रमलाई अन्तिम रुप दिइने गठबन्धनका नेताहरुले बताएका छन् ।
