सुर्खेत । दैलेखमा ग्यास सिलिन्डर बोकेको ट्रक दुर्घटना भएको छ । नेपालगंजबाट दैलेख जाँदै गरेको भे. १ क २२०१ नम्बरको ट्रक दुर्घना भएको हो ।
मनकामना ग्यास बोकेको ट्रक गुराँस गाउँपालिका–४ तालपोखरी नजिक दुर्घटना भएको प्रहरीले जनाएको छ ।
सडकबाट करिब १५० मिटर तल खसेर भएको दुर्घटनामा परी ट्रकका चालक कृष्ण चौधरी, ट्रकमा सवार २५ वर्षीय लक्षिराम चौधरी र २३ वर्षीय विष्णु चौधरीको मृत्यु भएको दैलेख प्रहरीले जनाएको छ । उनीहरुको ठेगाना खुल्न नसकेको प्रहरीले जनाएको छ ।