अनलाइन डबली
काठमाडौं । राष्ट्रिय स्वतन्त्र पार्टीका सभापति रवि लामिछानेले उपराष्ट्रपति निर्वाचन आचारसंहित विपरित बैठक बोलाएका छन् । निर्वाचन आयोगले उपराष्ट्रपतिलाई मतदान गर्ने प्रयोजनको लागि बैठक नराख्ने दलहरुलाई निर्देशन दिएको थियो ।
तर, उपराष्ट्रपतिको लागि मतदानबारे निर्णय लिन पार्टी पदाधिकारी र संसदीय दलको संयुक्त बैठक बोलाएका हुन् ।
बैठक शुक्रबार बिहान साढे ११ बजेदेखि पार्टी कार्यालय धुम्बाराहीमा बोलाइएको छ । मतदान सुरु भएदेखि अन्त्य नभएसम्म आचारसंहिता जारी रहने आयोगले बताएको थियो ।
उपराष्ट्रपतिमा रामसहायप्रसाद यादव, अष्टलक्ष्मी शाक्य, ममता झा र प्रमिला कुमारी यादव उम्मेदवार छन् ।
प्रमिलाले उम्मेदवारी फिर्ता लिएको र रामसहायप्रसाद यादवलाई समर्थन गर्ने निर्णय गरेकी छन् । तर उम्मेदवारी फिर्ता लिने समयभन्दा पछि मात्रै उम्मेदवारी निष्कृय भएको भनेकाले मतपत्रमा उनकोसमेत नाम छ ।
